चाफा

तुझ्या असण्याची जादू अनुभवली आज...
स्पर्शून गेलीस तू अन् चाफा झालो आज....!

इजाजत

इजाजत लूँ तुमसे या,
ठहर जाऊँ आज यहीं...!
बताओ तो,
कहर तुम लाओगी या रात...!

#Shilpa___
Shanu Shilpa Kumud......,🌹🌹

बकुळ

उराशी कवटाळून घे न मला,
बकुळीची लाजही ओंजळीत दरवळेल जरा...!

#Shilpa___

हिरा

आज तुझ्या मिठीत एक नवीन बात अनुभवली अरे !
गच्च कोंदणात जसा ठसठशीत हिरा असतो ना अगदी तशी बात !
काय सांगू तुला ! किती चमक होती माझ्यात !
दोन हातांचे स्वर्ण कोंदण होतं माझ्याभोवती !
माझं शरीर कोणत्यातरी प्रकाशझोताकडे घेऊन निघालं होतं मला !
किती लकलकावं रे त्या नाममात्र हि-याने !
एक वेगळीच दमक !
त्या कोंदणमिठीचा स्पर्श मला हे वारंवार सांगत होता की तू फक्त माझी आहेस. मी तुला कुठेही नजरेआड होऊ देणार नाही !
एक निराळीच अनुभूती मिळत होती मला...!
आश्वस्त वाटत होतं अरे मला त्या कोंदणात !
ती मिठी ह्या तुझ्या हि-याला लाजेनं चूर होणं शिकवत होती अरे !

एक सांगू तुला !
नीट ऐक हं !
तुझ्या हृदयाची धडधड मी ऐकते
पण त्या धडधडीचीही एक मौनाची भाषा आहे अरे !
ती फक्त अन् फक्त मलाच कळते !
ती धडधड मला तुझ्यावर जीव लावणं शिकवते, जीव ओवाळून टाकणं शिकवते....!
ती मला तुझ्यापासून दूर जाऊच देत नाही !
ते असतील तुझ्या हृदयाचे ठोके वगैरे !
पण माझ्यासाठी तर ते माझे अस्तित्व आहेत...!
ह्या धडधडीशिवाय मी नाही अरे !

तुझा हा हिरा, तुझ्या कोंदणमिठीसाठी सदा आसुसलेला राहिल आयुष्यभरासाठी तुझाच होऊन !

#Shilpa___

प्रेम

प्रेम असं असतं का रे ?
कितीही केलं तरी पुरे होत नाही,
अन् पुरे म्हणलं तर,
अजून-अजून हवं असतं !
असंख्य फुलपाखरांचा वावर असतो आताशा मनात,
भिरभिरत राहतात ती तुझ्याभोवती !
तुझी ती मधाळ फुलं हवीहवीशी वाटतात रे !
खोलवर रुजत जाते रे मी तुझ्यात,
पाण्याचा प्रत्येक घोट जसा तृप्त करतो मला !
तुझं अस्तित्व आधार देतं मला,
जसं बीज अंकुरताना मातीचा सहवास असतो,अगदी तसा !

सांग न ?
प्रेम हे असं असतं का ?
रात्र-रात्र तुझ्या मिठीत जागून पहाट होऊच नये असं वाटणं ?
हे असावं बहुधा प्रेम !
मला प्रेम भरभरुन करता येतं रे पण शब्दात नाही मांडता येत !
असं वेडं, भाबडं असतं का रे प्रेम ?

सदा तू बरोबर असावास,
हल्ली फार वाटतं !
जशी झुळूक असते न त्या वा-यासोबत अगदी तसं काहिसं !
बहुतेक असंच असतं प्रेम,
जे मनाला सुखावतं !
ओल्या मेंहदीच्या गंधातून,
जे तळहातांना रंगवतं !

खरं सांगू !
रंगलेल्या हातांनी फक्त तुलाच कुरवाळणं हेच ते प्रेम !
तुझ्या ओठांनी हलकेच टिपलेला,
तो माझ्या तळहातांचा स्पर्श...!
आहा.....!
हेच ते प्रेम मला माहित असलेलं,
बेभान होऊन जे लाडात मांडलेलं !

#Shilpa____

तुम ही सही

मैं जबरन कुछ नहीं चाहती,
हौले से मिले,वो तुम ही सही...!

#Shilpa___

काजळ

आज काहीतरी वेगळं होतं तुझ्यात..!
एकतर मी तुझ्या काळजात होते,
किंवा तू माझ्या काजळात...!

#Shilpa____