"प्रेम" हा शब्दच किती नाजूक आणि हळवा. अखंड स्पर्शात ओसंडून बरसणारा..! प्रेम कसं असावं ?....
प्रेम मनसोक्त, मनमुराद आनंद देणारं हवं...!
कुणीतरी वेड लावून प्रेम करणारं हवं...!
झपाटल्यासारखं,बेधुंद तिच्यावर मरणारं हवं...!
तिचं सारं दुःख आपलं समजणारं हवं...!
फुलपाखरासारखं फुलावर बसणारं हवं...!
प्रेमासाठीच प्रेम आतुरलेलं हवं...!
प्रीतीचा कटाक्ष ,अलवार पणं तिला भेदणारं हवं...!
ओंजळभरुन नितांत वाहणारं हवं...!
तिच्या हृदयात, तनमनात तरंगणारं हवं...!
तिच्या नितळ कांतीला बिलगणारं हवं...!
सोड म्हणून मागे लागली जरी ती,
तरी हट्टाने तिला कुशीत घेणारं हवं...!
तिच्या श्वासात उमलणारं हवं...!
तिच्या गाण्यात गाणारं हवं...!
तिच्या स्पर्शात रोमांचित होणारं हवं...!
मित्रांनो...! मला माझं प्रेम बोलणारं हवं...!
मला माझं प्रेम भावणारं हवं...
काहीही झालं देवा, तरी
मला माझं प्रेम हवं...!
मला माझं प्रेम हवं...!
#Shilpa#
No comments:
Post a Comment